اى خدمه ياشباب

اهلا بيكى ف المنتدى وبجد احنا مبسوطين اكتر لانضمامك لينا معلش هنتعبك بقى معانا شويه وحاولى تكتبى مواضيع كتيره ف القسم دا وانا هديلك الاشراف عليه شكرا على مساهمتك وموضوعك الجميل.

ودا اول سؤال ليا بقى يارب اكون مش تقيل عليكى
عايز علاج لبرد القطط وكمان كان فيه قطه عندى عندها تينيا واديتلها مطهر ومرهم كده والحمدلله ابتدت تخف بس المشكله ان المناطق اللى كانت ظهره فيها التينيا الشعر فيها وقع كده ممكن يطلع تانى بعد قد ايه ؟

الف شكر ليكى يادكتوره وربنا يخليكى على زوقك دا
تمام كده انتى جبتى من الاخر والله متشكر جدا على مساعدتك دى طبعا انا يبقى ليا الشرف انك تتابعيها معايا كان عندى سؤال تانى يادكتوره انا لسه جايب ذكر شيرازى برده هاف بيكن وبعد ماجبته اكتشفت ان فيه براغيث كتيره فحميته بالشامبو وكده جزء منها مات وشلته وفيه جزء لسه عايش ياريت يادكتوره تقوليلى علاج فعال للحكايه دى مع العلم انى هجيبله طوق كده بيمنع البراغيث فده كفايه ولا فيه حاجه تانيه ؟ وعلى فكره انا خليتك مشرفه على قسم الحيوانات الاليفه وطيور الزينه لانى مش هلاقى احلى منك ولا حد يفيدنا قدك تانى شكرا ليكى يادكتوره.

السلام عليكم ورحمه الله وبركاته:
اولا ميرسى بجد على ثقتك الكبيره دى اللى انا مش استحقها وكمان خلتنى مشرف دى حاجه كبيره اوى عندى وربنا يقدرنى على المسؤليه الكبيره دى وبجد ميرسى اوى ليك
اما بقى نرجع للقط بتاعك وبراغيته:
بص ياسيدى الاول العلاج هيبقى شامل شويه حاجات بس تتعمل مع بعضها بمعنى انك ممكن تجبلها ادويه الدنيا ومش تخف عارف ليه لان البراغيت دى نزلت فى اماكن كتيره ثيعنى على فرشتها واماكن تواجد تانيه ليها فى البيت ولو عالجت القطه من البراغيت هتظهر تانى لانك سبت مصدر العدوى موجود يعنى لازم تغير البيئه المحيطه بيها وتنظفها كويس جدا عشان نتاكد ان مفيهاش اى اثر للبراغيت دى ودى اول خطوه
تانى خطوه هى انك تحميها زى ما انت عملت طبعا يبقى بمياه بارده مش دافيه ده بيساعد اكتر على التخلص منها وكمان الدافيه هتهيج البراغيت وتؤدى الى الهرش والحساسيه عند القط بتاعك
بالنسبه للشامبو فى شامبو مخصوص للبراغيت اكيد هتلاقيه ان شاء الله
اه اثناء ما انت بتحميه خلى الشامبو يتخلل الشعر كويس بس برفق فى نفس الوقت
بعد كده هتسرحله شعره بمشط اسنانه ضيقه وبالراحه وكده هتتخلص من كتير اوى منها
بالنسبه للطوق انا سمعت عنه بس متهيالى انه مكلف وفى نقط ممكن تستخدمها متهيالى اسمها ريفوليوشن دى بتتحط اعلى الرقبه عشان القطه مش تلحسها وهى مش سامه وفعاله جدا فى القضاء على البراغيت بس ياريت لو حد نصحك باستخدام المبيدات او انواع مطهرات فانصحك بلاش اولا لان القطط حساسه ثانيا ممكن بدل ما تموت البراغيت تموت القط وتجبله تسمم
وعلى فكره المفروض ان القطط بيبقى ليها تطعيم او ادويه بتتاخد عشان الوقايه والعلاج برده فى بعض الحالات عشان الطفيليات الجلديه دى زى مثلا دوا اسمه
ivermectin وده جرعته 200مجم لكل كجم وزن وبيتاخد منه جرعتين ما بينهم اسبوعين
يارب اكون قدرت اساعدك وعلى فكره ان شاء الله اوعدك انى هنزلك كام موضوع عن مشاكل تربيه القطط وحلولها كنت قريتها ودرستها وعجبتنى اوى
اه نسيت اقولك اى مركب او دوا هتستخدمه وخصوصا لموضوع البراغيت وطفيليات الجلد لازم تتبع اى تعليمات موجوده على الدوا بدقه
وبرده هتابع معاك واى خدمه

الله عليكى بجد يادكتورتنا ردك رائع جدا ومفيش بعد كده انا عامل موضوع لصور قططى ياريت تشوفيهم وتقوليلى رأيك شكرا ليكى بجد.

السلام عليكم
ليا سؤال بسيط ليكى يادكتوره وهو لازم اطعم القطط بتاعتى انا ضامن مكان نضيف ليهم واكل نضيف ومش بيخرجو بره البيت يبقى ممكن تكون فيه مشكله ف كده ولازم اطعمهم؟

السلام عليكم ورحمه الله وبركاته:
احييك على سؤالك ده يااحمد بص ياسيدى التربيه دى لاى نوع من الحيوانات بتبقى منظومه متكامله بمعنى لازم يبقى فيها حاجات كتير كلها بتكمل بعض يعنى نظافه وتغذيه وتطعيم وعوامل تانيه كتير لو اهملنا واحد ممكن المنظومه دى مش تبقى كويسه وتتعبنا احنا معاها يعنى يا احمد النظافه واجبه والتطعيم مهم وان شاء الله هنزلك جدول بالتطعيمات وعلى فكره العدوى ليها اسباب كتير جدا وممكن تكون داخليه من القطه بمعنى تكون هى حامله لمرض جواها بس الاعراض مش واضحه وبكده تنقل المرض فى وجود النظافه برده ومن غير ما احنا نحس وكمان عشان صحتنا لان القطط بتنقل امراض كتير وبرده هنزلهالك قريب باذن الله

متشكر جدا يادكتوره على ردك السريع ليا هو حضرتك من طنطا اصل المشكله ف التطعيم انى مش لاقى حد هنا ف طنطا ولازم بقى اسافر بيهم وكده وبجد الحكايه دى عملالى مشكله لو كنتىمن طنطا ياريت تقوليلى مكان حلو اتابع معاه

السلام عليكم ورحمه الله وبركاته:
بص ياسيدى اولا اسفه عالتاخير وثانيا بالنسبه للتطعيم فى فى المديريه البيطريه هتلاقى رعايه بالقطط او اى حيوان تانى وهناك ممكن تسال عن التطعيمات دى ولو ملقتش هيدلوك على مكانها فين ومعاك برده

السلام عليكم
متقوليش انا اسفه يادكتوره دى حاجه مش ف ايديكى دا انا اللى متشكر اوى على اهتمامك وانتى ف الظروف دى ربنا يقومه بالف سلامه ومتشليش هم المنتدى يولع خالص المهم نسمع منك اخبار حلوه قريب بأذن الله ربنا معاكى